Shveysarcha turnirlar

Qay hollarda arena oʻrniga shveysarcha turnir ishlatish kerak?Shveysarcha turnirda barcha ishtirokchilar bir xil miqdorda oʻyin oʻynashadi va bir-biri bilan faqat bir marta oʻynashadi. Bu klublar va rasmiy tadbirlar uchun yaxshiroq tanlovdir.

Ochkolar qanday hisoblanadi?Gʻalaba — bir ochko, durang — yarim ochko, magʻlubiyat — nol ochko.
Tur davomida oʻyinchi uchun raqib topilmasa, unga bir ochkolik “bye” beriladi.

Tay-breyk qanday hisoblanadi?Sonneborn-Berger tizimi orqali.
Bunda oʻyinchi yutgan barcha raqiblarning toʻplagan ochkolari hamda durang oʻynagan raqiblarining toʻplagan ochkolarining yarmi qoʻshib hisoblanadi.

Qura qanday aniqlanadi?FIDE qoʻllanmasiga muvofiq, bbPairings tomonidan joriy etilgan Gollandiya tizimi asosida.

Agar turnirda turlar soni oʻyinchilar sonidan koʻp boʻlsa nima boʻladi?Barcha mumkin bo'lgan juftliklar o'ynalgach, turnir yakunlanadi va g'olib e'lon qilinadi.

Nima uchun u jamoalar bilan cheklangan?Shveysarcha turnirlar onlayn shaxmat uchun moʻljallanmagan. Oʻyinchilardan punktuallik, masʼuliyat va sabr-toqatni talab qiladi.
Bizningcha, bu shartlarga global turnirlarga qaraganda jamoa ichida amal qilinishi ehtimoli yuqoriroq.

Oʻyinchi necha marta “bye” olishi mumkin?Qura tashlash tizimi oʻyinchi uchun raqib topa olmasa unga bir ochkolik “bye” beriladi.
Bundan tashqari, oʻyinchi turnirga kech qoʻshilsa, unga bir martalik yarim ochkolik “bye” taqdim etiladi.

Barvaqt duranglar boʻyicha tartib qanday?Shveysarcha oʻyinlarda oʻyinchilar 30 ta yurish qilmaguncha durang qila olmaydi. Garchi bu chora oldindan kelishilgan duranglarning butunlay oldini ololmasada, hech boʻlmaganda oʻyin davomida tezda durang qayd etishni qiyinlashtiradi.

Oʻyinchi oʻyin oʻynamasa nima boʻladi?Ularning vaqti ketaveradi, vaqt tugagach magʻlubiyat yoziladi.
Shundan soʻng, boshqa oʻyinlarda ham magʻlub boʻlmasligi uchun tizim oʻyinchini turnirdan chiqarib yuboradi.
Oʻyinchi istalgan vaqtda turnirga qaytadan qoʻshilishi mumkin.

Turnirda qatnashmaydiganlar boʻyicha qanday choralar koʻriladi?Shveysarcha turnirlarga roʻyxatdan oʻtib, oʻyinlarda qatnashmaydigan oʻyinchilar muammo tugʻdirishi mumkin.
Ushbu muammoning oldini olish uchun, Lichess oʻyinda qatnashmagan oʻyinchilarni maʻlum vaqt davomida yangi shveysarcha turnirlarga kirishini cheklaydi.
Shunga qaramay, turnir tashkilotchisi bunday oʻyinchilarga oʻz musobaqasiga kirishga ruxsat berish-bermaslikni oʻzi hal qilishi ham mumkin.

Oʻyinchilar turnirga kechikib qoʻshila oladilarmi?Ha, turlarning yarimi yakunlanmagan boʻlsa qoʻshilish mumkin. Masalan, 11 turdan iborat shveysarcha turnirda oʻyinchilar 6-tur boshlanguncha, 12 turdan iborat turnirda esa 7-tur boshlanguncha qoʻshila oladilar.
Kechikib qoʻshilganlarga, hatto bir nechta turni oʻtkazib yuborgan boʻlsalar ham, faqat bir marta “bye” (oʻyinsiz ochko) beriladi.

Arena turnirlari shveysarcha turnirlar bilan almashtiriladimi?Yoʻq. Ular bir-birini toʻldiruvchi funksiyalardir.

Round-robin (aylanma) tizimi-chi?Biz bu tizimni qoʻshishni istagan edik, biroq, afsuski, round-robin tizimi onlayn formatda ishlamaydi.
Buning sababi — turnirni barvaqt tark etadigan oʻyinchilar masalasini adolatli hal qilishning imkoni yoʻqligidadir. Onlayn musobaqalarda barcha oʻyinchilar oxirigacha oʻynashini kutib boʻlmaydi. Bu deyarli imkonsiz, natijada koʻpgina round-robin turnirlari nuqsonli va adolatsiz boʻlib qoladi. Bu esa bunday turnirlarning oʻtkazilishidan koʻzlangan asosiy maqsadga ziddir.
Onlayn formatda round-robin tizimiga eng yaqin narsa — turlar soni juda koʻp boʻlgan shveysarcha turnir oʻtkazishdir. Bunda turnir yakunlangunga qadar barcha mumkin boʻlgan juftliklar oʻzaro oʻynab boʻlishadi.

Boshqa turnir tizimlari-chi?Biz hozircha Lichessga boshqa turnir tizimlarini qo‘shishni rejalashtirmayapmiz.